تخيلوا لو ماكانش فيه زي موحد فى الفنادق .. موضوع ساخر

كان فيه حد عامل موضوع بيتكلم فيه عن الوضع كان هيكون عامل ازاي فى حالة ماكانش فيه يونيفورم او زي موحد فى الفنادق

ولما فكرت فى الموضوع لقيت انه فعلا هيكون كوميدي ومليان مواقف طريفة

تقدروا تقروا الموضوع كامل عن الزي الموحد لو ماكانش موجود فى القنادق من هنا

http://infocenter.yoo7.com/t641-topic

اقولك انا بقى ايه اللى ممكن يحصل، اول حاجة كدة من اول ما تدخل من باب الفندق هتلاقي واحد بياخد منك الشنط عشان يطلعهالك بس طبعاً انت مش هتكون عارف ان دى شغلته فا هتمسك فى خناقه.

هندخل من الباب

دخلت بقى من الباب كدة بعد ما خلصت اول خناقة، طبعاً هتكون محتاج تتكلم مع الريسبشن علشان تحجز أو تأكد على الحجز بتاعك، بس لو كان موظف الريسبشن واقف مع اى زميل من قسم تانى انت مش هتكون فاهم حاجة وممكن تلاقي نفسك بتكلم حد من الامن على اساس انه الريسبشن عادى.

بعد بقي ما تخص اللفة دى كلها وتاني يوم الصبح هتكون محتاج خدمة تنظيف الغرف، قوللي بقي هتعمل ايه لما تلاقي حد لابس لبس عادي وداخل عليك الاوضة؟!
مش هتكون فاهم مين دة ولا جي يعمل ايه ولا هو اصلا شغال فى الفندق دة ولا دخل هنا ازاي!

نقول الحمدلله بقى

فى الاخر انا لازم اقول الحمدلله على نعمة الزي الموحد اللى من غيره الدنيا كانت هتبقى ملخبطة وداخلة فى بعض.